地獄 vs. 天堂

我一直認為自己是一個民主派，因為我：
以往每年都參加六四燭光晚會；
過去幾次都參加七一大遊行；
每次立法會區議會大廈互助委員會我都有投票。

故此，我是很景仰民主派的。

然而，因為其中一份工作的須要，我昨日到立法會旁聽了一個會議，這卻令我對不少民主派議員改觀：

高度自詡為民意代表的直選女議員：「呢個名單裡面D人我好多都唔識，邊有代表性呀?我就唔同呢，我係由市民選出黎架嘛，我地先係民意代表!」

由公民擁護的深近視女議員：「(在政府人員解釋立場時插咀) 得得得，我識字架，你唔駛讀喇，我只想問委員會的架構及作用........(政府人員繼續答，但她再插咀) 我都話我識字咯，你讀黎做乜?」

很長頭髮的男議員：「我唔想問有關委員會的事喇...........我比三分鐘你講下到底乜野係文化藝術! (政府人員解釋了不夠一分鐘後他插咀) 得啦，你既然有張貓紙，你印比我就得啦，唔駛講啦.....」

很大舊的男議員：「2000年之前兩個市政局唔係咁做架.......你地可唔可以每次都公開會議丫?」
.............

我明白不同位置自然有不同觀點。不過，我親眼見到不少議員在厲聲說話後便很快離開，根本並未真正用心討論或處理問題。事實上，我亦有問題想問他們：

直選女議員-----妳唔識個名單係咪妳自己對呢個圈唔夠認識呢?......
深近視女議員-----我知妳識字(仲識好多添)，但妳可唔可以有禮貌D比人講埋先呢?......
長頭髮男議員-----請問你又識乜野係文化藝術嗎?......
大舊男議員------每次公開會議，請問你係咪每次都黎呢?(仲係要開會開都尾，唔好講完就走人)
..............

我明白議員的職責是提問、關注、監察，甚至質詢，但令我最失望的是：身為主席的大狀男議員，說話中往往都向政府人員含沙射影、話中有刺!

難怪香港會變成這樣一個社會!
************************************************************

另一份工作的須要，故此我現在每天都要到一座很藝術的中心上班。

這裡充滿著藝術的氣息，彼此碰面或許都仍會急忙，可是人與人之間卻能散發出一份真摰的關懷和欣賞。
************************************************************

香港就是這樣一個城市。